Plantun de Prouvènço

Pèr coumpara dos planto d'encò nostre

Antennaria dioica & Epilobium dodonaei subsp. dodonaei

Pèd-de-cat

Antennaria dioica

Asteraceae Compositae

Àutri noum : Uei-de-chin, Pèd-de-gat, Pèd-de-chat, Iue-de-chin, Courentìna.

Noms en français : Antennaire dioïque, Pied-de-chat dioïque.

Descripcioun :
Lou pèd-de-cat es uno planto di proun pelouso, emé de pèd mascle e femello dessepara. Li proumié se recounèisson à sis estamimo jauno au contro di segound que ié vesèn lis estigmato blanc (fotò). I'agrado li prado roucaiouso d'auto mountagno.

Usanço :
Emé lou-pèd-de-cat s'adoubo la tisano contro la brounchito, fai parti di cinq planto contro lou tussi (emé l'erbo-de-la-pato, la rousello, la mauvo, lou bouioun-blanc). La recordo èi limitado à un centenau de brout (èi deja forço) e fau leissa sus cado planto quàuqui flour pèr que posque faire si grano.

Port : Erbo
Taio : 5 à 20 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Antennaria
Famiho : Asteraceae
Famiho classico : Compositae
Tribu : Gnaphalieae

Coulour de la flour : Roso
Petalo : >6
Ø (o loungour) enflourejado : 1 cm
Flourido : Printèms - Estiéu

Sòu : Si
Autour basso e auto : Pancaro entresigna
Aparado : Vo
Remarco : Meno aparado
Mai à avoust

Liò : Tepiero seco - Pasquié
Estànci : Mountagnard à Aupen
Couroulougi : Bourealo
Ref. sc. : Antennaria dioica (L.) Gaertn., 1791 (= Gnaphalium dioicum L., 1753 )

Epilobo(-di-fueio-de-roumanin)

Epilobium dodonaei subsp. dodonaei

Onagraceae

Noms en français : Epilobe à feuilles de romarin, Épilobe de Dodoens.

Descripcioun :
Epilobo que trachis en ribo d'aigo e dins lis esboudèu. Se recounèis subretout à si lòngui fueio que dounon d'èr à-n-aquéli dóu roumanin. La subsp. Dodonaei s'atrobo en plano fin qu'à l'estànci mountagnard. Sis estile soun de memo loungour que lis estamino.

Usanço :
Tant se poudrié qu'aguèsse li mémi usanço medicalo que lis àutris epilobo, pamens avèn pas d'entresigne segur pèr aquelo. Li jòuini fueio de la subsp. fleischeri èron acampado à passa tèms en Savoio e mesclado i soupo.